koordinuatat: 56.036,35.045
Vasil’jevskoje-kylä, Zubcovin piiri.
Naine (šyn. 1901).
Nauhoitti A.V. Punžina vuodena 1980.
Kielen, literaturan da istorijan Nauhoitušarhiva – 2834 (00:24 – 02:37).


- Midä ol’i pert’issä en’n’ein?

- Mid ol’i ennen pert’is’s’? Mid ol’i? Osobennoid n’imid ei ollun.
Kiwgu šeiz’ow. Kiwgull on, značit, šiäl’ čun’at, port’ankat. Kiwgušš
ollah pečurkat, pečurkah alzi pannah šiäl’. Ka ruavold tullah määrät
pannah. Osobennod kiwgull n’imid ei ollun hyvi ka... čun’at i kud mid,
kud mid, hattarat... A potom, ei ollun kiwgull ni zanveskas’t’,
n’imid, n’imid, kiwgull. A pert’is’s’ oldih vain lawčat, lawčat yhet,
lawčat, skammit. Magaimm tož, skammiloill piäl’ l’evit’t’el’imm.
Post’el’n’ikat oldih, ič kuvomm holssan, kruas’im doroškoill. Šomat
oldih, hyvät. A konž kattučči, d’er’uugan kovomm, tr’apiccu ka
revittl’emm vanhoi plat’t’oi šiäl’, kitaiku, kud mid. I langat luamm,
ruavamm d’er’ugan. Od’d’uloi ei ollun meil’. Kattučima tulupoilla,
turkill, kud mil’l’. Hyvie ei ollun, od’d’uloi meil’ ei ollun n’imid.
Poduškoiss oldih nuavločkat tož holstizet. Poduškat moiz’et šuwret,
kaikkeh postl’ih podušk, magaimm. A kežäl’l’ magaimm zavs’ lattill.
Post’el’n’ikk ollell nabeid. Post’el’n’ikat ollell nabeid, mahumm
lattill, i ägi ol’i. Muat muwvennet kravat’t’ s’inčošš on. Kuvomm
holstuw. Omblemm rangzen holstizen, riptetah i muatah. A pert’is’s’
n’imid osobennoid n’imidä ei ollun. No oldih ka täšš posuudat, šiäl’
čugnat, padat. Mal’l’at oldih ran’š puwhzet, luz’ikat puwhzet. Mid
ol’i osobennoid? Mid täšš viäl’ ol’i? Ei ollun n’i z’irkalloi,
n’imid, n’i sviettu. Ruadoim ka, pannah täšš butilkzeh vähzen
kars’inu. Propkzen ruatah i vir’t’ettäh, kopt’elkanke tämänke issuimm,
i kez’räim. I pär’il’l’, oldih pär’it.