koordinuatat: 58.281,35.566
Sviščevo-kylä, Lesnoin piiri.
Mieš (šyn. 1882).
Nauhoitti M. I. Mullonen vuodena 1958.
Kielen, literaturan da istorijan Nauhoitušarhiva – 32 (00:15 – 02:47).


Mie naduumaičiin naija. Löyźin omašta kyläštä. Tuattuo i muamuo
ńeiččyöllä koissa evle, soglaśjua ei kellä andua. Veľľi ando
soglaśjan ajeľi ńeiččyön tautolluo i muamolluo. Veľľi tuľi
šinne, dogovoŕieči tuatonke, muamonke ńeiččyön. Nu, zavoďima
svuaďbua. Sosvataičiin, ando miula ... šulkuzen paikan, poloťencan
hyvän.

Neskoľko päiviä proiďi, zavoďima svuaďbua. Vaľľaššima heboźie,
kolme tuarua ... i kiŕikköh, venčaiččiečemah. Venčaiččiečima, tuľima
koďih stolan tagakši, obieda, ceŕemońija, viinat, virret:
tyttölöin, naiźin, mužikoin virret, olut. Toispiänä stoluimah.
Istuočima stolan taguakši. Vruči podarkat kaikin, kaikkih rodńih
varoin, toi, pańi stolalla. Ka ruvettih viržilöidä laulamah. Vielä
midäi? Svuaha ńeiččyön rannašta otdeľaiččou kaikkie. A tytöt, naizet
lauletah viŕtä. N’in ka eľiin jäľgeh tämän naizenke, jäľgeh
voinua. Jo kymmenen vuotta kun naista elošša evle. Jäin ykśiin,
lapšet šuuret, eräš elošša. Ykśi voinalla pogibńi, oľi nainnun,
šuurenke peŕehenke. Elän yheššä śizäŕenke. Vośemdeśať tŕi goda
śizäŕellä. Elämmä i muokkuačemma. Kaikki.