koordinuatat: 57.423,35.753
Spornoje-kylä, Lihoslavljan piiri.
Naine (šyn. 1908).
Nauhoitti A. V. Punžina vuodena 1970.
Kielen, literaturan da istorijan Nauhoitušarhiva 1592 (00:10 – 02:20).

Kado važa, kado važa, ei tule važa. Kävelläh mečäššä, nähäh važua.
Kekšiw risťikanžan, ńin lähtöw ńin kuin ďiikoi zvieŕi hyppiäw, i
häńdäh i eľiäśśeh i pywďiä ei šua. I ka šeńiin häńdä
jäľľičekši, no yhellä kohalla hiän boľše eläťťeľieči.
Jäľľičekši jo ruvettih kaikin miän kyläńe käwmäh ka šeśtä važua
pywdämäh. Jo oldih i nuorat otettu keralla, štobi kui ńibuď häńdäh
pywďiä. Männäh, vain kekšiw risťikanžan i kuin uiďiw, missä vain
tuagiembi meččä, šińńe nagole i tungiečow, šińńe nagole i uiďiw.
I ših rukah rahvaš kaikki muokkuačettih šeśtä važua löwďiässä. A
šidä jäľľičekši šai pywďiä, šai. Ših rukah kolmen mužikat
pywveťťih nuoralla. Tuhjoh tungieči, ńin ka mońi kerdua, piťkä
nuora oľi, ka tuhjošša ymbäŕi häńen ka kiäŕiťťih, kiäŕiťťih,
da häńen šielä šorkašta hvaťittih dai vejeťťih tuhjošta. N’iin kun
oldih nällä ďiikozella, kumbańe otti važan, tämä, mečänizäńdä,
ńin kuin oldih ripčit ka nämä kulmih kažvannut villat pität, ńin
mänťiijämin pidahuot oldih, hiän duwmait ewlun i važoin nägöńe,
oľi mänťiijämin nägöńe i važa. Kaikilla oľi ďiiva ka šeśtä
važua kaččuośśa. N’in i važan iśkei. Hiän rahvašta varai, i
žiivattoida rubei varajamah, ei vain. Ei ruvennun i štuadašša
pižymäh. Jo i ńiin varattih, tuaš uiďiw, ńin ei šua i piäšťiä. I
ka ših rukah hiän kun ottaw käz’illä ńin on ruaduo häńdäh järelläh
tuwva.