koordinuatat: 59.221,34.533
Näytteitä karjalan kielestä. Joensuu-Petroskoi, 1994. S. 214-215.
Selissä-kylä, Boksitogorskin piiri.
Naine (šyn. 1895).
Nauhoitti D.V. Rjagojev vuodena 1967.
Kielen, literaturan da istorijan Nauhoitušarhiva – 938.

- Kuin vuatehista vallattih?

- A vuatehista vallattii̯... Iellä tämän otetaa̯ da levitetää̯, ka šängi.
Ku šuuressa pyhäššä tuloo hangi. Tällä hangiella kaikki lumella
levitetäh ogordoih. Obaritaa̯ porozešša. Palavua porua keitetää̯h,
tuhkista, da täh obaritaa̯h. Šidä i levitetää̯h. Šielä pijetää̯, pijetää̯
kodvaa̯, viikon, kuni lumi ei hävie. A šidän otetaa̯ da toožo puizee̯
pannaa̯, da šinne kipʼatkua da porua tädä valetaa̯. Laškietaa̯ tääven
vuattiet že lapetut šinne, lapetaa̯h, ladʼdʼataa̯ puizee̯. Šidän šinne
kivie vettä pannaa̯ kipʼatkua. Šidää porua palu, prosto luajittii̯
tuhkista, ka kiehutettaa̯h da šidä. A šidän šinne kivie laškietaa̯
nakalittua, da kiuguah pannaa̯ kivie. Da pistʼ, kookulla vejetää̯.
Pistemillä laškietaa̯ šinne vuat. Šielä burhua, kiehuu, kiehuu, kiehuu
vuate. Hän ylen jo i valgenoo, lienöö jo valgie, ei liene keldanʼ, a
valgie. Vallataa̯ kaikki ka niin.