koordinuatat: 57.951,35.976
Sel’ci-kylä, Maksatihan piiri.
Mieš (šyn. 1898).
Nauhoitti A.V. Punžina vuodena 1970.
Kielen, literaturan da istorijan Nauhoitušarhiva – 1975 (06:12 – 08:45).

Tuuľimeľľiččiä iellä kuin srojittih ťiälä mužikat, i kuin hyö ruattii.
Tuuľimeľľičän mužikka sroji staraičči strojie goralla, miśśä voiš olla
tuulet. Meľľičät srojišettih hyö kuužišiibihizet, štobы tuulella heiďä
kuuži pyöriťťäiś. Kus sroistua heilläh oli luajittu šiibiľöi, šiivet
vualušša, lužišta hirreštä luajitut, dolbittu i ažetettu hyö, i
zakrepittu. Kun tuuli lierui ta‿i pyörimää. Toižešša ńokassa on šuuri
koleśśu. Nazvaisiččow peigaloloiηke. Pyöŕiťťäw vualuo. Že vualu
pyöriťťäw toista vualuo kumbaine šeizualleh on vualu. A alahana
vualušša viel‿on koleśśu, žem žemmuone vain šuurembi raźmierua,
pyöriťťäw že kivivualuo, kumbazeh vualuh oη kivi, ťämä žornovat,
kumbazet ruvetah jauhomah, luaďimah jauhuo. I vot rubiew, konža pyöŕimäh
jo kaikki vualu i kivi, šielä on luajittu ylähänä late keššeľľä meľľiččiä,
miśśä on rugehet mužikoin tuodu jauhokši, kuatah šinne luarih,
naživaiseiččou luari, luariśśa rubiew ľähtemäh ruiś ili kagra
alah kivilöi, miśśä kivet pyöŕiťäh.