koordinuatat: 57.592,35.455
Maloje Kozlovo-kylä, Spirovon piiri.
Mieš.
Nauhoitti V. P. Tarasov vuodena 1960.
Kielen, literaturan da istorijan Nauhoitušarhiva – 121 (07:12 – 08:32).

N’iin ka zavoďin, Gorńan meľľiččä, Ploskoin meľľiččä,
Snaźinan meľľiččä, ka ľieu kolme, Ploskoilla ńelläš, Kozlovalla
oľi viiješ, tämän Kozlovan kuuveš, yhellä jovella kuuži meľľiččiä.
Vettä oľi täššä, i kalua šilloin oľi yľen äijä. A Snaźinan
meľľiččä, že ńikoža ei lašken vettä. Hänellä oľi fundamenta
šielä, pohja betonnoi, vettä konža vain ľiijän, vettä laškou, veźi
oľi postojanno, postojanno. Ka meiľ Kaškipuussan oľi meľľiččä, i
reunašša, i Snaźinašša oľi meľľiččä. Nu ka kakie-nibud’
ykśi-kakši kilometrua da tuaš meľľiččä. Kilometran šieľď ńin
meľľiččä nagole: Lindaźin oma, Gorńan oma, miän Kaškipuussan
meľľiččä, Snaźinan meľľiččä, Ploskoin meľľiččä, Śolan
meľľiččä, Kozlovan meľľiččä – šesť meľľiččiä, ka. Śolan
meľľiččä suščestvuiččou ka, a nämä jo rikkuočennun. A nämä kaikki
šubi kavotettu, ev midä. Konečno, vähäśtä ei hyvin ruattu, vet
vejellä voit ruadua midä ľuubo, voit piľie, voit srugie. Toko
šanotah: finskaja ščepa, päre. A näidä voit, a nämä meľľičät
rikottu, ei ruata. A ka tämä Kozlovan miän ruadau. Jogo kežiä perettä
luajitah. No jauhotetah, da vähä.