koordinuatat: 58.072,35.899
Kožino-kylä, Maksatihan piiri.
Naine (šyn. 1896).
Nauhoitti M. I. Mullonen vuodena 1958.
Kielen, literaturan da istorijan Nauhoitušarhiva – 33 (11:11 – 12:35).

Mužikka ei tule koďih. Omat ketut proveźiw šiiheh, proigraiččow.
Nu vielä, tädä, midä ruadua? Tulen kodih, šanotah: ”Pywdy muččo,
mińtäh šie et opašša mužikkua, štobi kartih ei kizais’.” A midä miwla
ruadua? Hyvä rahvaš opaššettih: ”Ota šie käbrykkiä, tädä, kuin händä,
koivumua, karšinalla vala da nuoralla šivo, da naľešnikkah ŕiputa, i
ka hyö ei ruveta kartih kizuamah.” Mie otiin vielä heidä lukkoin,
čiepin pańiin, viŕiťiin i läkśiin. Hyö: ”Karavul, spasaiťe!
Karavul, spasaiťe! Miśtä ottuači? Miśtä ottuači? Emmä ťiijä.” A
mie že hypyllä, da poikki zuagordoista, da pinon all, duumaičiin,
tapetah milma. Mie i hengettä šiel‿issun. Aštuw mužikka miwnoma, i
piä painettu. Aštuw, i šobua piällä ei ole. Šyöťťiä jumalańe, miwla
pidäw tuaš oďevaija. Mie mittyzen kumman luajiin! Tuľi koďih,
kiwgualla nouźi i kolmet suutkat ei i syönyn. A mie nagoľe iťen,
nagoľe iťen, midä miwla ruadua? Pod konec: pidäw erota täštä
mužikašta.