koordinuatat: 61.27,33.21
Kotkadjärvi

Sugupuoli: naine
Roindukohtu: Kotkadjärvi
Roinduvuozikymmen: 1900
Tallendusaigu: 1968
Pagizutti: Virtaranta, Pertti; Kiuru, Eino
SKNA 7594:1b (00:01:26–00:03:23)
Suomen kielen nauhoitearkisto. Kotimaisten kielten keskus. Helsinki.
---

– Enne vet paistih, što mečänizändy ziivatan peittäy da ristikanzan
peittäy. Kuulit?

Kuulin. Vot ennenä sie ristikanzan peittäw, sie kentahto, sie ku meččäh
kävyw. Sit midä hänele ruatah, sen voin minä sanuo. Minuu iččeeni ei
peittänyh mečän ižändy, ei ottanuh, ijän kävelin. Eηgo yöksynnyh ni
konzu. A semmoine menöy pagin, nu veńakse legenda, a meijän dak se mugah
sanotah on mečäs i ižändy kentahto. Vot lehmän peittäw, sit tiedovoijah.

– Kui tietovoidah?

Tiedovoijah. Nu sego sinule pidäw?

– Se pidäy.

Otetah naprimer hebo häview. Ei tule. Otetah suičet, leivässukku
leikatah nengožes, neče kannikko, kannikko leiväs. Sel leivän kere
pannah, päččih kassetah, suolua da vie že stuk on, hän ičes kussai,
sih kastetah, da sit mennähgi liikkumattomale kivele. Da sit sanotah
pomenii hospodi tädä žiivattoa, mustu karvu, valgei karvu, ruskei
karvu, zelenäine karvu, mittuine on suuččiu pomenoijah. Sit lähtih
eččimäh. Sit buite vastah tulou hebo. Karu piästäy hänes mečän
ižändy hevon. A konzu ku häi syönnyh on kondii libo on načit
kentaht‿ottanuh, syönnyh, sit pidäw harakku sih kohtei. Harakku
libo varoi sit, varoidu myöte mennäh se sit siit on ku se hänen
syönnyh, sile jälles astutah. Vot semmoižet tiijot minä annan teile.
Voitto tiedovoija.