koordinuatat: 62.780, 33.547
Dʼuustärvi, Mändyselgä
Sugupuoli: naine
Tallendusaigu: 1962
Pagizutti: Jevsejev V.J.
KKHINA 217 (07:54–09:08)
Kielen, kirjalližuon da historien instituutan nauhoitearkisto. Petroskoi.

Oľi-eľi ukko da akka. Ukol da akal on kuuži poigua, ykśi tytär. Ľähtöy
Sviŕin rannalla paimeńih tytär: saviŕieška šyödäväkši, kivikurńikka
keššeľii. Toine ľähtöy kuundelomah, midä śizär pajattau, iťköy. Toine
kuundelougo tože: Lugluizet, lagluizet, ľeńńäkkiä ťyö miul͜maalla,
kuuen veľľeksen śizär pandih paimeńih Sviŕin rannalla: šaviŕieška
šyödäväkši, kivikurńikka keššeľii. Kolmas tulou, kuundelou takože.
Toista iťköy śizär: Lugluizet, lagluizet, ľeńńäkkiä ťyö miul͜maalla,
kuuen veľľeksen čikkuuo pandih Sviŕin rannalla paimeńih: saviŕieška
šyödäväkši, kivikurńikka keššeľii. No. Ńe kai tullah, ľeńńeťäh ńe.
Ľeńńeťäh, hänďä otettih. Otettih, a se Dʼaga-buabo häńen ľykkäi šinne
ďärvee. Ottau häńen, nostau sen, sobat omaha ottau, puaru sinna sobat
ńe andau, iäres Dʼaga-buabolda, omat otti. No, śizär ei ńe ottau. A
häńďä otti se omaks śizäreksi, Dʼaga-buabon, veľľekset, kuuet veľľet,
vanhembi. No, häńeľľä śiiď ottaugo, sanou: Šie mäne, sanou, kyľyn mie
ľämmiťän šiula, a šie kyľyh mäne! A śizären šobat ďäťä, se ťähä sobat
ďäťä, mi šiula vuattiet, še ei ken ottaiś, šanou. No, šiďä hiän ľähťi
da sen panou, a tobie kattila se kiehuu, ťervapučči šii. Da se šinne i
bučkahtau. Tuow śizäreľľä sobat, sanou: Se ńygöi paloi Dʼaga-buabo,
sanou, kačo ńygöi, sanou, šiuda rubien šyöťťämäh, ďuottamah...